Gjykata e Apelit ka vendosur të rrëzojë kërkesën e Hajajve për daljen nga qelia. Apeli ka lënë në fuqi vendimin e Shkallës së Parë në datë 31 Janar, atë të ‘arrestit me burg’.
Të arrestuarit për rrëmbimin dhe vrasjen e Jan Prengës janë: Bajram Hajri, Leonard Hajrin, Elton Hajri, Olsi Turja dhe Festim Bexhdili. Ndërkohë vijon të jetë në kërkim Altin Hajri, që është edhe pronari i resortit luksoz që u sekuestrua nga OFL-ja.
Pesë të arrestuarit akuzohen për ‘Rrëmbimi ose mbajtja peng e personit’, ‘Fshehja ose asgjësimi i kufomës’, ‘Veprime që pengojnë zbardhjen e të vërtetës’, ‘Përkrahja e autorit të krimit’, të kryera në bashkëpunim dhe ‘Armëmbajtja pa leje’. Jan Prenga u mor peng, u torturua dhe u zhduk dhe ka ndërruar jetë më datë 17 Janar.
LEXO EDHE:
Pengmarrja dhe vrasja e Jan Prengës, Hajrat kërkojnë lirinë në Apel
