Jurgen Klopp ka paralajmëruar skuadrën e Atleticos së Madridit që asgjë nuk është vendosur për fatet e kualifikimit në ndeshjen mes skuadrave.
Goli i Saul-it, i jep skuadrës së Simeones një avantazh për sfidën e dytë që do të luhet pas tre javësh mes Liverpool-it dhe Atleticos. Por tekniku gjerman deklaron që sfida në Anfield do të jetë komplet ndryshe për skuadrën e tij, dhe se kundërshtarët do të vuajnë trysninë e tifozerisë vendase.
“Atletico do ta ndjejë presionin e stadiumit tonë në ndeshjen e kthimit. Do tua bëjmë tepër të vështirë . Pashë shumë fytyra të lumtura pas ndeshjes nga skuadra e Atleticos. E kuptoj pasi ishte një fitore e madhe por asgjë nuk ka mbaruar”.
“Për sa kohë janë 11 lojtarë në fushë me bluzën e Liverpool-it, ne do të përpiqemi me gjithë forcat. Të gjithë fansat e Atleticos që do të sigurojnë një biletë për ndeshjen e radhës, i them vetëm një gjë, mirësevini në Anfield.”
