Një 32-vjeçar është vënë në pranga pasi në banesën e tij uniformat blu gjetën armë zjarri pa leje dhe dhe 20 doza me cannabis sativa.
Bëhet fjalë për shtetasin A. Ç., banues në fshatin Krahës 1, Bashkia Memaliaj.
Sipas policisë, “gjatë kontrollit fizik dhe në banesë, policia i gjeti këtij shtetasi: 1 armë zjarri pistoletë “Zastava”, 1 armë gjahu teke, një pushkë sportive (të cilat i mbante pa leje), municion luftarak dhe 20 doza me cannabis sativa, të cilat u sekuestruan në cilësinë e provës materiale”.
Materialet i kaluan Prokurorisë së Rrethit Gjyqësor Gjirokastër, për veprat penale “Prodhimi dhe shitja e narkotikëve”, “Armëmbajtja pa leje” dhe “Prodhimi dhe mbajtja pa leje e armëve të gjahut dhe sportive”.
