Lacio po kalon një sezon për tu mbajtur mend gjatë. Kryeqytetasit aktualisht pozicionohen të dytët në Serinë A, vetëm 1 pikë më pak se kryesuesit e Juventusit.
Për një sezon të tillë duhet që të gjithë komponentët që ndërtojnë një skuadër të madhe të jenë në parametrat e duhura. Ashtu duket të jenë edhe relatat e futbollistëve të Lacios të cilët merren vesh shumë mirë në fushën e lojës por edhe jashtë saj.
Këtë e ka konfirmuar edhe bomberi i skuadrës, Ciro Immobile, i cili duke folur për relatat me futbollistët në ekip, deklaron se në dhomën e zhveshjes të gjithë janë fantastikë.
“Shkoj mirë me të gjithë në ekip, atmosfera në dhomën e zhveshjes është fantastike”.
“Për shembull, Luis Alberto më njeh më mirë se gruaja ime. Joaquin Correa dhe Felipe Caicedo janë dy shokë dhe futbollistë të shkëlqyer. Ndjehem mirë me Milinkoviç Saviç dhe Strakoshën gjithashtu”.- ka thënë ndër të tjera Immobile.
