Paul Pogba ka bërë të ditur prej kohësh dëshirën e tij për tu larguar nga skuadra e Manchester United. Përveç futbollistit këtë gjë e ka bërë të ditur dhe menaxheri i tij, Mino Raiola.
I lodhur me zërat e merkatos që e “largojnë” Paul Pogbanë nga Manchester United, trajneri i “Djajve të Kuq”, Ole Gunnar Solskjaer, sulmoi drejtpërdrejt menaxherin e mesfushorit francez duke thënë: “Pogba është lojtari ynë, jo Raiolas”.
Ndërsa ka ardhur dhe kundër përgjigja e agjentit të njohur i cili në rrjetet sociale ka shkruar: “Paul nuk është imi e sigurisht që nuk është as i Solskjaer. Pauli është i Paul Pogbasë. Shpresoj që Solskjaer të mos i sugjerojë Paulit se është i burgosuri i tij. Mendoj se duhet të shqetësohet për gjëra të tjera.”
Më tej në shkrim thuhet: “Para se të komentojë atë që unë them, duhet të informohet mirë për përmbajtjen e fjalëve të mia. Ndoshta, deri tani, jam treguar shumë i sjellshëm me të. Solskjaer duhet të kujtojë fjalët që i tha Pogba-s në verë”.
