Jose Mourinho ka marrë një lajm jo të mirë pas fitores kundër Aston Villa. Sulmuesi Heung-Min Son ka pësuar një frakturë dhe do të mungojë për disa javë, sikurse edhe ka njoftuar klubi londinez përmes rrugëve zyrtare të informimit.
“Heung-Min Son do t’i nënshtrohet një operacioni këtë javë, pasi ka pasuar një frakturë në krahun e djathtë. Lojtari i Koresë së Jugut pësoi një lëndim gjatë fitores tonë kundër Aston Villa të dielën”.
“Pas operimit, stafi ynë mjekësor do të shikojë opsionet për rehabilitimin e Son, i cili do të qëndrojë jashtë për disa javëve”, shkruan klubi i Tottenham-it.
Heun-Min Son, shpesh herë këtë sezon ka nxjerrë skuadrën nga vështirësitë duke i dhënë pikë të rëndësishme, e fundit ishte kundër Aston Villas i cili shënoi golin e fitores në minutën e 94-t.
Injury update on Heung-Min Son.
— Tottenham Hotspur (@SpursOfficial) February 18, 2020
