Pas mbështetjes së donatorëve që dhanë për rindërtimin e Shqipërisë 1.15 miliard euro, reagoi edhe kryetarja e LSI-së Monika Kryemadhi. Në një postim në rrjetin social Facebook, ajo shkruan se solidariteti i treguar ngavendet mike dhe institucionet ndërkombëtare kërkon seriozitet dhe angazhim të gjithanshëm.
“Miqtë i qëndruan në krah Shqipërisë në këto momente të vështira.
Mirënjohje për kontributin e tyre për të ndihmuar qytetarët shqiptarë dhe infrastrukturën e dëmtuar pas tërmeteve, që goditën vendin.
Tani është koha që kjo mbështetje t’u shkojë sa më parë, në radhë të parë familjeve që janë të pastreha.
Miqve nga të gjitha anët e globit FALEMINDERIT që na u gjendët pranë.
Çdo euro ndihmë është e çmuar dhe duhet të administrohet me transparencë dhe përgjegjësi të plotë.
Solidariteti i treguar nga vendet mike dhe institucionet ndërkombëtare kërkon seriozitet dhe angazhim të gjithanshëm!”, shkruan Kryemadhi.
