Gjatë konferencës për shtyp, presidentja e Komisionit Evropian, Ursula von der Leyen foli edh epër hapjen e negociatave me Shqipërinë dhe Maqedoninë e Veriut. Ajo tha se ka punuar shumë për të hapur dritën jeshile për këto dy vende.
“Ne kemi punuar shumë për këtë konferencë pas një tërmeti të tmerrshëm. Me të njëjtin intensitet, kemi punuar për të shtruar rrugën që Shqipëria të shkojë drejt hapjes së negociatave. E kemi parë metodologjinë që është pranuar nga të gjitha anët. Po punojmë për raportet për vendin dhe këto janë përpjekje për ti bindur të gjithë, prandaj për mendimin tim, ka ardhur koha për të hapur bisedimet me Shqipërinë dhe Maqedoninë e Veriut. I mbajtën të gjitha premtimet, prandaj na takon ne që të vijojmë rrugën”, përfundoi Ursula von der Leyen
