Ka ndërruar jetë në moshën 87-vjeçare Harry Gregg, ish-portieri i Manchester United dhe Irlandës së Veriut.
Ai është cilësuar si një hero i katastrofës ajrore të Mynihut të vitit 1958. Gregg shpëtoi me guxim shokët e ekipit dhe pasagjerët e tjerë pas rrëzimit të aeroplanit në të cilin u vranë 23 vetë.
Kur u bashkua me Unitedin në dhjetor 1957 për 23.500 paundë, ai ishte portieri më i shtrenjtë në botë dhe u votua më i miri në Kupën e Botës së vitit të ardhshëm (Suedi 1958).
Ai bëri 25 paraqitje për Irlandën Veriore midis viteve 954 dhe 1963.
Nga fondacioni bamirës i ish-portierit Harry Gregg shpjeguan se ai vdiq në Spitalin “Causeway” në Coleraine.
