Kreu i Partisë Demokratike Lulzim Basha duket se ka gjetur mënyrën sesi të rrisë optimizmin te qytetarët dhe sesi do të vijnë ditët më të mira.
Përmes një postimi në instagram, ai i ka ftuar të gjithë shqiptarët që të postojnë foton e tyre në rrjetet sociale dhe karshi saj të shkruajnë hashtagun #DitëMëTëMira.
Siç duket për kryedemokratin ditët më të mira do të vijnë duke postuar foto dhe duke përdorur rrjetet sociale.
“Çdo ditë është një mundësi e re për të bërë një hap përpara në ndryshimin e vendit. Ndaj sot kam shumë dëshirë t’ju kujtoj se ne mund të sjellim ndryshimin, mjafton ta dëshirojmë e punojmë për të! Ju ftoj të postoni foton tuaj sot me hashtagun #DiteMeTeMira” – shkruan Demokratike.
Një kërkesë e rralla kjo e kreut të opozitës, pasi nuk është dëgjuar shpesh nga kryetarët e partive.
