Një tragjedi është regjistruar për një çift shqiptarësh në Piza, Italia.
Ata kanë humbur dje mbasdite fëmijën e tyre, që sot mbushte dy muaj nga lindja, në një aksident rrugor.
Në aksidentin e rëndë u përfshinë tre makina, mes të cilave dhe ajo e familjes shqiptare.
Sipas një rindërtimi të ngjarjes nga policia, fëmija i vogël mori dëmtime të rënda nga hapja e airbag-ut pas përplasjes. Ai ishte vendosur në ndenjësen e tij në sediljen e parë, ndërsa nëna me djalin tjetër ishin ulur prapa, ndërkohë që babai ishte në timon. Përplasja e makinave solli hapjen e airbag-ut i cili e shtypi foshnjën, duke u shkaktuar trauma të rënda në kokë e gjoks.
Fëmija u transportua me urgjencë në spital në gjendje të rëndë, ku mjekët bënë gjithçka për t’i shpëtuar jetën, por pa sukses. I vogli u nda nga jeta rreth orës 22:30.
