Një shqiptar është vënë në pranga nga policia greke pasi është kapur me rreth 36 kg kanabis.
Ai nuk i është bindur urdhrit të policisë greke në kufirin greko-shqiptar, në Zitsa të Janinës kur u tentua të ndalohej mjeti që vinte nga kufiri gjelbër. Shqiptari ka kundershtuar me dhunë forcat e policisë, ka shtuar shpejtesinë, është larguar dhe më pas është ndalur nga policia.
Sipas informacioneve, përveç shoferit shqiptar brenda automjetit ka qenë dhe një pasagjer, i cili ka arritur të largohet me vrap dhe është arrestuar vetëm shoferi shqiptar.
Gjate tentatives per t’u larguar, nga mjeti jane hedhur dy çanta, brenda të cilave policia sekuestroi 4 pako me 36 kg 350 gram kanabis. U sekuestrua dhe 1 celular dhe 240 euro. Ndërrkohë mësohet se mjeti rezultonte i marrë me qera në Greqi.
