Mediat në Itali raportojnë se Mario Balotelli, ka rënë viktimë e një përpjekje shantazhi nga një vajzë 18-vjeçare në kohën kur ai luante për Nicen.
Sipas gazetës “Giaornale di Vicenza”, sulmuesi i cili aktualisht luan për Brescian, ka pasur një marrëdhënie të shkurtër me vajzën nga Vicenza, kur ajo ishte 17-vjeç.
Në kohën në të cilën ata frekuentoheshin së bashku, ajo i kishte siguruar futbollistit që nuk ishte minorene. Ndërsa pasi kishin fjetur së bashku, ajo kishte zbuluar moshën e vërtetë të saj dhe ka kërkuar 100 mijë euro që të mos e akuzojë 28-vjecarin për sulm seksual.
Sulmuesi nuk është shqetësuar aspak dhe ka gjetur zgjidhjen e duhur, duke iu drejtuar policisë. Autoritetet në Viçenza kanë hetuar vajzën dhe tashmë edhe i ka mbyllur hetimet, në favor të Balotellit.
