Një 20 vjeçare është vënë pranga në kuadër të operacioni “Trajektorja”, pasi dyshohet se ka ndihmuar grabitës Astrit Thaçi për t’i shpëtuar policisë. Bëhet fjalë për shtetasen me iniciale A.B. banues në Tiranë.
“Kjo shtetase dyshohet se e ka përkrahur shtetasin A. Th., duke i dhënë ndihmë për të mos u kapur nga forcat e Policisë.” njofton policia.
Materialet i kaluan Prokurorisë së Rrethit Gjyqësor Durrës, për veprën penale “Përkrahja e autorit të krimit”.
Astrit Thaçi u prangos mbrëmjen e djeshme në zonën e ish-Kombinatit në kryeqytet pasi në mesditë grabiti një argjendari në qytetin e Elbasanit. Ai rezultoi autor i 8 grabitheve në Durrës, Elbasan dhe Tiranë.
Astrit Thaçi autori i 8 grabitjeve, policia jep detajet (VIDEO)
