Shkëlzen Berisha dhe blogerja Armina Mevlani janë një nga çiftet më të përfolura në mediat shqiptare. Armina njihet për stilin e saj në të veshur si dhe për jetën luksoze që bën mes udhëtimeve të shumta në vende të ndryshme të botës.
Fansat prisnin që çifti të kurorëzonin dashurinë e tyre me martesë këtë pranverë sipas asaj që ata vetë kishin deklaruar. Por Armina ka treguar se dasma nuk do të bëhet as këtë vit për arsye ende të paditura ose mbase dëshiron që ta mbajë larg syve të publikut ditën e saj më të veçantë .
Këtë Shën Valentin, Zeni i ka dhuruar Arminës një buqetë gjigande me trëndafila rozë. Armina ka postuar foto të buqetës me lule e sapo zgjuar në mëngjes.
Darkën kanë zgjedhur ta kalojnë në intimitet dhe të mos dalin për ta festuar jashtë. Çifti kishin zgjedhur të shikonin një film romantik nën shoqërinë e njëri-tjetrit duke konsumuar kokoshka.
