Sot në “PopCulture” ka qenë e ftuar Egla Harxhi. Egla është përfolur për marrëdhënien e saj treshe, por kohët e fundit ajo ka zbuluar se është një nënë beqare, duke i dhënë njëherë e mirë fund marrëdhënies së saj.
Egla ka rrëfyer në rubrikën “Një Ditë me Dojnën” përjetimin si nënë beqare dhe se çfarë po ndodh me jetën e saj sentimentale. Dojna Mema e ka pyetur nëse do ti rikthehej një marrëdhënie treshe, për të cilën Egla ka vendosur të flasë pa doreza dhe tu jap fund të gjitha aludimeve.
“Sot kam përshtypjen që nuk do ti rikthehesha asnjëlloj raporti, shoqja ime e ngushtë para pak kohësh më tha: O zemra nuk ka mundësi, ne përpiqemi të mbajmë atë imazhin e drejtë dhe ti nga ajo që je shfaqur je komplet e kundërta në realitet dhe në fakt unë jam komplet e kundërta e asaj që është transmetuar në televizion nuk kam lidhje fare”- ka thënë Egla duke hedhur gjithçka poshtë.
Egla ka rrëfyer se nuk ka një partner të ri në krah dhe në rrugën që është nisur nuk do të ketë një partner.
“Në princip jam një person shumë aseksual, që të më interesoj diçka duhet të luajë shumë me lojën e mendjes. Imazhet që promovohen sot dhe idetë që krijohen sot për seksin dhe marrëdhëniet është komplet virtuale. Ajo që sheh ti e merr për të mirëqenë në fakt nuk është fare ashtu. Imazhi është një mashtrim i madh”- ka përfunduar ajo.
Kujtojmë se ish-Mis Shqipëria në vitin 2007, është komentuar shumë në media për marrëdhënien e saj të pazakontë.
Në prill të vitit 2016, Harxhi takoi fotografin Jarl Alexandre de Basseville dhe ra në dashuri. Pjesë e marrëdhënies së tyre ishte dhe një tjetër vajzë, modelja shqiptare Alesia. Harxhi deklaroi se ata kishin një lidhje treshe dhe ky fakt u komentua jashtëzakonisht shumë. Në këtë kohë, ajo njoftoi dhe shtatzëninë e saj, ku tha se fëmijën do ta rriste në një marrëdhënie të tillë. Por, gjithçka duket se ndryshoi me ardhjen në jetë të djalit të saj, Luxifer. Marrëdhënia treshe u prish me largimin e Alesias dhe lidhja e saj përfundoi.
