Rama në depresion politik dhe personal para Kurtit

Nga Boldnews.al

Çdo nismë e merr për spektakël, edhe kur e kupton se ato janë tërësisht kundër interesave të vendit. Për kryeministrin tonë, çdo çmim dhe pasojë, ia vlen të shpenzohet dhe hidhet për të bërë ai propagandë dhe mbi të gjitha të konsiderohet si “lider rajonal”. Kushdo që e mendon se është një delirant politik, duket se gabon që në fillim, pasi Rama pas shtatë vitesh në pushtet, kërkon të lerë “tokë të djegur”, jo vetëm brenda vendit (të cilën tashmë e ka bërë), por edhe jashtë saj, duke trazuar vendet e Ballkanit.

Sharlatanizmi i Ramës ra që në vizitën e parë të kryeministrit Albin Kurti në Tiranë. Shumë nervoz në konferencën e përbashkët për shtyp, mjaft i mbyllur dhe një shenjë të dukshme mërzie. Rama e dha shpejt veten dhe jo pa arsye! Albin Kurti nuk është një kundërshtar që mundet lehtë dhe para tij, Rama ka kompleksitetin e inferioriteteit, sidomos me nismën e tij dhe të presidentit serb Vuçiç për “mini-cshengenin Ballkanik” ai synon vënien në zbatim të katër lirive; lirinë e qarkullimit të kapitalit, mallrave, shërbimeve dhe personave.

Në një kohë që Serbia ka një ekonomi shumë më të zhvilluar dhe prodhimtari të lartë, veçanërisht në fushën e bujqësisë dhe industrisë ushqimore, me nënshkrimin e “Mini-cshengenit Ballkanik” ajo do të jetë liderja e Ballkanit Përëndimor, duke shtuar rrezikun që të rrënojë me mallrat e saj edhe atë pak ekonomi të Shqipërisë dhe Kosovës.

“Mini-schengeni ballkanik ka rreziqet e veta, kam thënë se ai paraqet Jugosllavinë e katërt, të cilën Serbia e do, kjo është intenca e Beogradit. Duhet të jemi shumë të kujdesshëm pasi ka rreziqe përtej atyre buzëqeshjeve. Mendoj se ka qenë shumë më i relaksuar para dy viteve se sa që ka qenë sot, e sot Rama është më i vëmendshëm se sa që ishte para një viti. Intencat e Serbisë që po i shohim sërish në Mal të Zi, janë evidente”- tha kryeministri Kurti në një intervistë për mediat kosovare.

LEXO EDHE  PD: Rama e Veliaj kontraktuan Edmond Begon për të ndërtuar kullë tek ish-hotel Vjosa

Është e qartë se ndasia me Ramën është fort e madhe, por ajo që e tremb fort kryeministrin tonë është Kurti dhe jo vetë dështimi i nismës së tij dhe mikut Vuçiç. Mënyra e artikulimit, debati që përçon, forma e përzgjedhur për ta kundërshtuar dhe mbi të gjitha koherenca e qëndrimeve të Albin Kurtit e bëjnë Ramën që të futet edhe më thellë në “depresionin” personal dhe politik.

Në vitin e shtatë qeverisës, kur Shqipërinë e ka kthyer në vendin më të korruptuar dhe të varfër në Europë, kur mijëra të rinj po braktisin vendin në emigrim dhe kur ekonomia tashmë zotërohet nga duart e pesë oligarkëve të qeverisë, Rama nuk ka më çtë humbasë. Pasi e dogji vendin me politikat qeverisëse, tashmë në ikje kërkon që me “benzinë Beogradi” të spëkasë gjithë Ballkanin Perëndimor dhe në fund ti vendosë shkrepësen, për të parë “zjarrin” si qejf, ashtu si Neroni Romën. A do e arrijë? Mbetet për tu parë, por qëllimi i tij final nuk është aq i lehtë të realizohet!