Gjykata penale vendosi masën arrest me burg për Vladimir Gjutën, i cili u arrestua dy ditë më parë para selisë së PS-së, me një shumë të madhe parash dhe një pistoletë.
Gjuta u arrestuan nga forcat e gardës, ndërkohë që brenda selisë së PS ndodhej kryeministri Edi Rama, i cili për shkak sigurie u detyrua të lëvizë me makinën e blinduar të Olsit pas ngjarjes.
Por ajo që e bën edhe më epike ngjarjen është kërkesa e Vladimir Gjutës për gjykatësin, ndërsa ende nuk është dhënë vendimi.
Burime brenda gjykatës për Boldnews.al, tregojnë se Gjuta i ka kërkuar gjyqtarit që nëse do e dënojë t’i japë dënimin arrest me burg, pasi as detyrim paraqitje dhe as arrest shtëpie nuk do e ndihmonte sepse nuk flet me asnjë nga familjarët.
‘O zoti gjyqtar do të kërkoj një nder. Po më dhe masën e arrestit të lutem mos më lër as detyrim paraqitje dhe as arrest shtëpie. Më mirë më lër në burg, se unë nuk kam shtëpi se nuk flas me asnjë nga ata të shtëpisë’, i është drejtuar Gjuta gjyqtarit ndërsa priste masën, bën me dije burimi brenda gjykatës për Boldnews.al. /T.Halili/Boldnews.al
