“Ndryshimi vjen tek rikthimi i lirisë dhe i pavarësisë nga shteti”. Kështu shkruan në rrjetet sociale ish-ministri i Drejtësisë, Ylli Manjani, sipas të cilit, pushteti për të sunduar kap shtetin, pasi jeta është e lidhur me shtetin.
“Askush nuk është i lirë, në këto kushte demokracia dhe zgjedhjet nuk kanë asnjë kuptim”, shprehet Manjani, duke shtuar se nëse dikush do të bëjë ndonjë punë pa pyetur shtetin e zënë të gjitha ligjet e mundshme.
Postimi nga Ylli Manjani
Që të kuptojmë ku jemi.
Një shqiptar normal, që të jetojë në Shqipëri do duhet të ketë një rrogë shteti ose të marrë një pension apo asistencë nga shteti, ose të bëjë një bisnes që të mos i bjerë në qafë shteti.
Pra jeta është e lidhur me shtetin!!! Prandaj pushteti për të sunduar kap shtetin.
Askush nuk është i lirë.
Në këto kushte demokracia dhe zgjedhjet nuk kanë asnjë kuptim…!😔😔
Nëse dikush do të bëjë ndonjë punë pa pyetur shtetin e zënë të gjitha ligjet e mundshme. Prandaj shumë ikin nga Shqipëria.
Ky është realiteti. Duhet ta njohim e ta pranojmë nëse duam ta ndryshojmë.
Ndryshimi vjen tek rikthimi i lirisë dhe i pavarësisë nga shteti. Të tjera janë pasojë.
