Një 66-vjeçar është arrestuar nga policia e Tiranës, pasi kërcënonte me vrasje bashkëshorten e tij. Ngjarja ka ndodhur në fshatin Domje në Vorë, në në ambientet e banesës së çiftit.
“Shtetasi S. B. po dhunonte psikologjikisht bashkëshorten e tij duke e kërcënuar me armë. Shërbimet e Policisë kanë prangosur shtetasin 66 vjeçarin, banues në fshatin Domje, si dhe kanë sekuestruar në cilësinë e provës materiale armën e zjarrit kallashnikov, me të cilën ky shtetas e kërcënonte për ta vrarë bashkëshorten e tij, 63-vjeçaren L. B”, thuhet në njoftim.
Materialet i kalojnë Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale “Dhuna në familje” dhe “Armëmbajtja pa leje”, për të cilën parashikohet dënimi me burgim deri në 7 vjet.
