Gatuani bashkë për darkën e Shën Valentinit
Ju do të çuditeni nëse do e bëni këtë gjë, por ju sigurojmë se është një ide fantastike që do ju bëjë të ndiheni shumë mirë të dyve.
Pothuajse çdo çift përpiqet që më 14 shkurt të kënaqë në maksimum partnerin duke e surprizuar dhe kaluar ditën me të. Por jo të gjithë kanë luksin për të festuar “Shën Valentinin” në vende turistike apo të dalin në restorante të shtrenjta. Disa preferojnë shtëpinë si vendin ideal ku me pak kosto ia dalin të kënaqen.
Zbukuro shtëpinë si të ishit në restorant
Kthejeni shtëpinë tuaj në restorantin më të bukur që keni parë më parë. Nuk ka gjë më të këndshme sesa të hash ushqim nga dora e partnerit tënd.
Në vaskë krijoni një mrekulli me flluska
Një dush i ngrohtë, me flluska dhe aromatizues do t’ju bëjë ta shijoni Shën Valentinin sikur të ishit në resortet më të mira.
Dhomën e gjumit mbusheni me gjëra të bukura
Çdo gjë që nuk ju nevojitet për 14 shkurt duhet ta hiqni nga dhoma e gjumit. Zbukuroni krevatin me petale dhe mundohuni të vendosni ndonjë qiri nëpër shtëpi. Mos harroni të fikni dritat në fund!
