Fernando Hierro beson se bota e futbollit nuk e vlerëson ashtu siç duhet Sergio Ramos-in. Sipas tij kjo gjë do të ndodhë pasi spanjolli të tërhiqet nga bota e futbollit.
Kapiteni aktual i Real Madrid po thyen të gjitha rekordet për klubin e bardhë dhe kombëtaren e Spanjës dhe ka fituar çdo trofe që mund të imagjinonte.
“Impakti i Sergio Ramos në futboll do të vlerësohet kur ai të tërhiqet nga sporti.” – ka thënë Hierro për “Radio MARCA”.
Në lidhje me sjelljet antisportive dhe numrit të madh të kartonave të mbrojtësit, Hierro thotë:
“Ai nuk është një lojtar agresiv, ndonjëherë duhet të marrësh një karton të verdhë për të parandaluar golin”.
