Gjykata e Tiranës ka dhënë masën e sigurisë për autorët e grabitjes së 19 janarit në Allias, Tiranë ku mbetën të plagosur çifti Petrit dhe Afërdita Laze.
Për Fatjon Mërtënikajn, 28 vjeç, është dhënë masa “Arrest me burg”. “Arrest me burg në mungesë” është dhënë dhe për Markeljan Cungu i cili është ende në kërkim nga Policia. Si Cungu dhe Mërtënikajn dyshohet se janë autorët dhe organizatorët e kësaj grabitjeje.
Ndërsa për Mario Toçin është dhënë masa “Hetim në gjendje të lirë” për moskallëzim krimi.
Ngjarja:
Çifti Petrit dhe Afërdita Laze kishin një biznes të tyre privat në katin e parë të ndërtesës në Allias, ku merreshin me tregtimin e prodhimit të brumit, ndërsa në katin e dytë ishte banesa ku jetonin. Dy persona të maskuar janë futur mbrëmjen e 19 janarit ë shtëpinë e tyre, me qëllim grabitjen e lekëvë, por pasi janë ndeshur me të zotin e shtëpisë Petrit Laze, e kanë plagosur atë dhe bashkëshorten e tij. E gjitha kjo ka ndodhur në prani të vajzës 17- vjeçare të çiftit.
