“Ilda Bejleri aksidenton të moshuarën në Tiranë dhe largohet nga vendngjarja”. Ky ishte lajmi që qarkulloi në disa media këtë mbrëmje, por vetë Bejleri, shprehet se nuk është e vërtetë. Madje kjo e fundit, iu kundërvihet gazetarëve nëpërmjet Instagram-it duke thënë “se si mund të shpifin në këtë mënyrë”.
Çudia vjen në njoftimin zyrtar të policisë. Këta të fundit, konfirmojnë se një aksident me pasojë plagosjen e një të moshuare ka ndodhur mesditën e sotme në bulevardin “Gjergj Fishta”, në afërsi të Urës së Drejtorisë Vendore të Policisë Tiranë.
Por ajo çka i shton dyshimet që të jetë përfshirë Bejleri në këtë mesele, është se policia tregon se automjeti nuk është identifikuar ende. Pra diçka po mbahet e fshehtë. Mediat kanë publikuar nje targë, dhe është lehtësisht e verifikueshme.
Ndërsa për fatin e të moshuarës, policia shprehet se është jashtë rrezikut për jetën, ndërsa mediat raportojnë se e moshuara do ti nënshtrohet një operacioni.
Mediat shkruan se automjeti tip X5 me targë AA998NY i përket moderatores. Nuk dihet nëse ka qenë ajo në makinë në momentin e aksidentit, por dëshmitarët pohojnë për Dritare.net që e kanë parë atë të largohet me shpejtësi, pas ngjarjes.
Shtrojmë pyetjen:
Si është e mundur të mos identifikohet një automjet brenda qytetit të mbushur me kamera sigurie, e mbi të gjitha, pranë Drejtorisë së Policisë?
Njoftimi zyrtar nga Policia:
Tiranë/ Informacion Paraprak
Më datë 12.02.2020, rreth orës 12:50, në bulevardin “Gjergj Fishta”, ne afersi te Ures se Drejtorise Vendore te Policise Tirane,një mjet ende i paidentifikuar ka aksidentuar shtetasen E.GJ , 63 vjeçe , e cila ndodhet nën kujdesin e mjekëve, jashtë rrezikut për jetën.
Shërbimet e Policisë kanë shkuar menjëherë në vendngjarje dhe së bashku me grupin hetimor po vijojne punen, per identifikimin dhe kapjen e mjetit qe ka shkaktuar aksidentin.
LEXO EDHE:
Ilda Bejleri aksidenton rëndë 64-vjeçaren dhe largohet nga vendngjarja?
U tha se aksidentoi një të moshuar dhe iku nga vendngjarja, reagon Ilda Bejleri
