Federata Ndërkombëtare e Automobilizmit (FIA), ka njoftuar se gara e Çmimit të Madh të Kinës në Formula 1, do të pezullohet.
Sezoni i F1, fillon zyrtarisht më 15 mars ndërsa kjo garë ishte parashikohej të mbahej më 19 prill, por për shkak të epidemisë së coronavirus është vendosur që ai të mos zhvillohet.
“Nuk ka qenë një vendim i lehtë për ne. Urojmë që të garojmë në Kinë sa më shpejt të jetë e mundur, duke u kërkuar ndjesë edhe qytetarëve kinezë për këtë vendim”, thuhet në deklaratën e FIA-s.
Ndërkohë nuk është dhënë asnjë njoftim mbi mundësinë e zëvendësimit të kësaj gare. Nëse situata e virusit të përhapur do të reduktohet gradualisht atëherë shanset janë që gara të zhvillohet në fundin e sezonit të F1, në të kundërt alternativa do të ishte zëvendësimi me një pistë tjetër.
#F1 – 2020 FIA @F1 Chinese Grand Prix postponed due to novel coronavirus outbreakhttps://t.co/5ccag89vfK
— FIA (@fia) February 12, 2020
