Një 13-vjeçare ka humbur jetën si pasojë e flakëve që ka përfshirë barakat ku jetojnë romët në Shkodër. Ngjarja ka ndodhur rreth orës 06:00 të mëngjesit të sotëm. Nga raportimet e para mësohet se 13-vjeçarja ka qenë në gjumë dhe ishte e pamundur shpëtimi i saj.
Viktima është identifikuar si Xh. Dashi.
Mësohet se flakët kanë përfshirë 3 baraka. Mendohet se zjarri është shkaktuar nga pakujdesia te njëra nga barakat, dhe më pas është përhapur edhe te të tjerat. Dyshohet se zjarri u shkaktua nga soba me dru, ndërsa e mitura e cila humbi jetën raportohet se kishte probleme mendore dhe kjo ishte arsyeja që nuk ka reaguar për të shpëtuar.
“Vajza ishte me probleme mendore, rrinte në shtëpinë e fëmijës. Ajo kishte disa ditë që kishte ardhur nga Tirana tek familjarët e saj për të qëndruar.
Dyshohet se zjarri ka ardhur nga një sobë, që dyshohet që është ndezuar nga gjyshja e vajzës, por nuk dihet nëse vajza për shkak të problemeve mund të ketë ndikuar në përhapjen e flakëve.
Në momentin kur ka rënë zjarri në banesë ka qënë vetëm vajza me gjyshen”, raportohet të kenë deklaruar familjarët.
Edhe ndërhyrja e zjarrfikësve nuk ka mundur të shpëtojë 13-vjeçaren.
