Në vitin 2002, braziliani Ronaldo u largua pas 5 sezoneve nga Interi për t’iu bashkuar Realit të Madridit.
Në një intervistë për DAZN, Ronaldo është rikthyer pas në kohë teksa ka shpjeguar arsyet që e çuan drejt prishjes së marrëdhënieve me zikaltërit dhe firmën me Realin e Madridit.
“Në Milano isha shumë mirë, ndjeja dashurinë pa kushte nga tifozët dhe nga e gjithë Italia. Por me trajnerin që kishim(Hector Cuper) nuk mund të vazhdoja më atje. Të vetmen herë që bisedova me Morattin, i thashë: Ose do të largohet trajneri ose unë, nuk mund të vazhdojmë së bashku”.
“Historia me Interin përfundoi në mënyrë të keqe pasi Moratti preferoi Cuper-in mbi mua. Këtu filloi historia me Realin e Madridit. Shkova ne Madrid pasi doja të luaja për atë klub, ishte ëndrra ime”.
“Firmosa me Realin dhe legjenda e atij klubi ishte më e madhe se sa e kisha imagjinuar” .
