Koronavirusi që ka shkaktuar mijëra vdekje në Kinë ka marrë emrin “COVID-19”, njoftoi Organizata Botërore e Shëndetësisë.
Mjeku Adhanom Ghebreyesus, drejtori gjeneral njoftoi emrin zyrtar në një konferencë në Gjenevë. Prej gjashtë javësh, virusi është përhapur nga qyteti i Ëhuanit në të gjithë botën.
Deri tani janë infektuar më shumë se 43 mijë persona dhe kanë vdekur 1.018.
Virusi, i cili është quajtur në mënyra të ndryshme si “koronavirus”, “koronavirusi Wuhan”, “koronavirusi kinez” apo “Gripi i gjarprit”.
Fjala kyçe i referohet një grupi të viruseve i cili përmban ato që shkaktojnë sëmundjet SARS (sindromi i rëndë akut i frymëmarrjes) dhe MERS (sindromi i frymëmarrjes në Lindjen e Mesme).
Shkencëtarët vijojnë punën për të gjetur ilaçin që e mposht koronavirusin.
Të enjten, Kina filloi regjistrimin e pacientëve në një provë klinike të “remdesivir”, një ilaç antiviral i krijuar nga Gilead, gjigandi farmaceutik amerikan.
Ilaçi duhet të jepet në mënyrë intravenoze, është eksperimentale dhe akoma nuk është aprovuar për çdo përdorim, dhe nuk është studiuar te pacientët me sëmundjen koronavirus. Por studimet janë bërë tek minjtë dhe majmunët të infektuar, ku ka rezultuar se ilaçi antiviral mund ta luftojë koronavirusin.
Sipas studimeve, është e sigurtë. Është testuar dhe nuk sjell efekte negative tek pacientët me Ebola, ndonëse nuk funksionon mirë ndaj atij virusi që është ndryshe nga familja e koronavirusit.
Mjekët në Washington ia kanë thënë “remdesivirin” pacientit të parë me koronavirus në Amerikë javën e kaluar, pasi gjendja e tij u përkeqësua dhe pneumoni u zhvillua pasi kishte një javë në spital.
