Drejtuesit e Sudanit kanë rënë dakord të dorëzojnë ish-Presidentin Omar al-Bashir në Gjykatën Penale Ndërkombëtare (ICC) për t’u përballur me akuzat e gjenocidit dhe krimeve të luftës.
Bashir akuzohet për krime të rënda në një konflikt që shpërtheu në Darfur në 2003 dhe çoi në vdekjen e 300,000 personave.
Autoritetet thanë që ish presidenti dhe të tjerët të akuzuar nga ICC, duhet të paraqiten në Hagë për t’u përballur me një gjykatë.
Angazhimi erdhi në bisedimet e paqes midis qeverisë së Sudanit dhe grupeve rebele nga rajoni Darfur.
“Drejtësia nuk mund të arrihet nëse ne nuk shërojmë plagët,” tha Mohamed Hassan al-Taishi, një zëdhënës i qeverisë sudaneze.
