Pesë ditë pas lirimit, shoqërohet sërish Vladimir Gjuta. Bëhet me dije se shoqërimi i tij është bërë pranë selisë së Partisë Socialiste në Tiranë.
Mësohet se ai është ndaluar nga forcat e gardës që ndodheshin pranë selisë rozë, ku po zhvillohej mbledhja e Kryesisë së PS-së.
Sipas raportimeve dyshohet se ai kishte një armë zjarri me vete. Mësohet se ai ka tentuar të futet brenda në seli.
Ai u vu në pranga më 4 janar pasi kishte goditur me çekiç kushëririn e tij duke i thyer dhëmbët dhe dënmtuar syrin dhe para pesë ditësh la qelinë
Gjithashtu, ai është arrestuar dhe në vitin 2015 ai u arrestua me akuzën për vendosjen e tritolit në farmacinë e babait të ministrit të Brendshëm Saimir Tahiri. Ndalimi i tij u nga forcat RENEA dhe reparti i Krimeve të Rënda, në hyrje të tunelit të Kalimashit.
Në momentin e arrestimit, Gjuta ishte duke udhëtuar drejt qytetit të Kukësit me një automjet tip “Opel” me targa Kosove, si dhe ndodhej nën shoqërinë e një shtetasi nga Kosova. Gjuta akuzohej edhe për kërcënime me SMS ndaj ish-ministrit të Brendshëm Saimir Tahirit.
Një vit më vonë në vitin 2016 Vladimir Gjuta fitoi lirinë. Lirimi erdhi pas vendimit nga Prokuroria e Krimeve të Rënda, e cila pushoi procedimin penal ndaj shtetasve Vladimir Gjuta dhe Baftjar Bruka, të dyshuar për veprat penale të “Veprave me qëllime terroriste”, “Krijimit të grupit të strukturuar kriminal” dhe “Kryerjes së veprave penale nga grupi i strukturuar kriminal.
