Rastet e koronavirusit, transmetimi i të cilit është konfirmuar edhe te njerëz që nuk kanë udhëtuar së fundmi në Kinë, mund të jenë vetëm “maja e ajsbergut”.
Drejtori i përgjithshëm i OBSH-së, Tedros Adhanom Ghebreyesus, konfirmoi se ndërsa një “mision ekspertësh ndërkombëtarë” janë nisur për në Kinë për të ndihmuar në koordinimin e punës së stafit shëndetësor në luftë me epideminë, ka pasur disa raste shqetësuese për përhapjen e 2019nCoV nga njerëz që nuk kanë udhëtuar në Kinë.
“Zbulimi i një numri të vogël rastesh mund të tregojë një transmetim më të gjerë në vendet e tjera; me pak fjalë, mund të kemi parë vetëm majën e ajsbergut”, vuri në dukje numrin një i OBSH-së. Nëse jashtë Kinës, epidemia duket se ka udhëtuar me një ritëm më të ngadaltë se brenda saj, Ghebreyesus nuk e ka përjashtuar mundësinë që mund të ketë një përshpejtim të epidemisë që ka infektuar më shumë se 40 000 njerëz dhe ka shkaktuar 908 vdekje në Kinë deri tani.
“Kontrollimi mbetet qëllimi ynë, por të gjitha vendet duhet të përdorin dritaren e mundësive që ka krijuar strategjia e kontrollit për t’u përgatitur për ardhjen e mundshme të virusit”, shtoi ai.
Jashtë Kinës, ka pasur më shumë se 350 raste të konfirmuara në gati 30 vende dhe rajone. Viktimat janë dy deri tani: një në Hong-Kong dhe një në Filipine.
Ndërkohë, kanë dalë rezultatet e studimit më të ri shkencor mbi koronavirusin. Ai mund të mbetet infektiv për një periudhë 9-ditore mbi sipërfaqet e objekteve në temperaturën e dhomës. Nga ana tjetër, nuk është shumë rezistent dhe mjaftojnë pastruesit me bazë klorin ose dezinfektuesit me bazë alkoolin ose peroksidin e hidrogjenit për ta eliminuar.
Studimi është në fakt një përmbledhje e studimeve, botuar në “Journal of Infection Hospital”. Studiuesit nga Universiteti i Greqisë Greifsëald, Gjermani, rishikuan literaturën mbi të gjitha informacionet e disponueshme mbi rezistencën e koronaviruseve njerëzorë dhe shtazorë në sipërfaqet e sendeve dhe për strategjitë e eliminimit me agjentët që zakonisht përdoren për dezinfektimin kimik në institucionet e kujdesit shëndetësor.
Analiza nga 22 studime zbulon se koronaviruset njerëzore si ajo e sindromës së rëndë akute të frymëmarrjes (Sars), sindromi i frymëmarrjes i Lindjes së Mesme (Mers) ose koronaviruset endemike njerëzore (HCoV) mund të rezistojnë në sipërfaqe sendesh si metali, qelqi apo plastika deri në në 9 ditë, por ato mund të asgjësohen në mënyrë efikase brenda një minute përmes procedurave të dezinfektimit sipërfaqësor me alkool etilik (62-71% etanol), peroksid hidrogjeni (0,5% peroksid hidrogjeni) ose zbardhues (hipoklorit prej 0,1% natrium). “Meqenëse nuk ka terapi specifike në dispozicion për vitin 2019-nCoV – përfundojnë studiuesit – kontrolli i hershëm dhe parandalimi i përhapjes së mëtejshme do të jenë thelbësore për të ndaluar epideminë në vazhdim”.
