Për ish-drejtuesin e lartë të policisë, Erzen Breçani, OFL është një strukturë për parandalimin e aktivitetit kriminal, por ata nuk janë të aftë për veprime operacionale me rrezikshmëri të lartë.
I ftuar në “360gradë” nga Artur Zheji në TV Ora, ai u shpreh se këto forca shoqërohen gjithmonë nga forcat RENEA të cilët janë të specializuar për arrestimin e personave me rrezikshmëri të lartë.
Erzen Breçani: OFL është një strukturë që ndikon në parandalimin e aktiviteteve të këtyre grupeve kriminale. Por t’i referohemi veprimtarisë operacionale, këta nuk janë të aftë për të kryer veprime operacionale për arrestimin e personave me rrezikshmëri të lartë. Unë e shoh në të gjitha rrethet që shkon. Kjo shoqërohet nga forcat speciale të RENEA-s, të cilët janë të mirëspecializuar për arrestimin e personave me rrezikshmëri të lartë.
