Një 40-vjeçar është vënë në pranga pasi në lokalin e tij në Kombinat ushtrohej veprimtari e kundërligjshme e lojërave të fatit.
I prangosuri është shtetasi me iniciale E.B., 40 vjeç, banues në Tiranë. Gjithashtu janë proceduar në gjendje të lirë jashtë shtetas të tjerë.
Sipas policisë, “gjatë kontrollit të ushtruar në lokalin e shtetasit E.B, në rrugën “Haki Stërmilli” në Kombinat, 6 shtetasit e proceduar tashmë nga Policia, u konstatuan duke luajtur lojëra me letra pokeri me lekë .
Në cilësinë e provës materiale u sekuestruan letra pokeri dhe një sasi lekësh.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprat penale “Organizim ose ushtrim i veprimtarive të lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”
