Dosja e rrëmbimit të Jan Prengës do të dorëzohet në SPAK. Mësohet se prokuroria e Tiranës është duke përgatitur dosjen dhe është drejt fundit të plotësimit të dokumentacionit. Burime nga Prokuroria e Tiranës bëjnë me dije se çështja i kalon SPAK dhe ajo do të dorëzohet të hënën pranë kësaj strukture.
Për rrëmbimin e Jan Prengës janë të akuzuar vëllezërit Hajri dhe ata të familjes Doçi në Shkodër. Pak ditë më parë, OFL sekuestroi edhe resortin e familjes Hajri në Xhafzotaj ku u mbajt peng Prenga. Policia njoftoi se
Jan Prenga i cili u mor peng në 17 janar në Kamzë, gjeti vdekjen gjatë rrugës për në resort, pasi u plagos më parë në vendin e rrëmbimit. Aktualisht trupi i tij nuk është gjetur, edhe pse policia ka arritur të ketë në dosje dëshminë e personit që ka parë të futej në resort dhe të dilte prej andej i vdekur për t’u zhdukur.
