Janë zbardhur emrat e grabitësve shqiptarë, të cilët ditën e djeshme u përplasën me armë zjarri me policinë helene në zonën e Korinthit.
Mësohet se gjatë operacionit u arrestuan Eljon Deraj; Andrea Caushaj; Amarildo Caushaj, ndërsa dy shqiptarë të tjerë janë shpallur në kërkim, të cilët janë Arsen Bajrami dhe Ernest Mustaj.
Sipas burimeve grabitësit survejoheshin prej disa ditësh prej agjentëve të policisë. Prej përballjes se armatosur me policinë e anti-krimit greke mbetën të plagosur dy shtetas shqiptarë, ndërsa i treti u arrestua mbas disa minuta ndjekje në kodrat e zonës Akro Korinthit.
Në automjetin e tyre u gjetën armë kallashnikov dhe pistoletë, si dhe mjete që përdoreshin për tu maskuar, kapuçë dhe paruke. Në cilësinë e provës materiale u sekuestruan edhe thika, leva, gërshërë për të prerë metale etj.
Ndërkohë sot në zonën e Prevezës u arrestuan edhe një çift tjetër nga Shqipëria. Ata besohet se kanë ndihmuar vazhdimisht grabitësit, ku dyshohet se merrnin makina me qira për llogari të grabitësve.
Policia greke thotë se banda kishte kryer disa grabitje bankash dhe dhjetra vjedhje me thyerje te dyqaneve dhe magazinave ne zonën e Peloponezit dhe Epirit.
