Aaron Ramsey firmosi me skuadrën e Juventusit gjatë merkatos së janarit në vitin 2019, ndërsa skuadrës iu bashkua gjatë muajve të verës.
Këtë sezon, uellsiani ka luajtur 19 ndeshje duke shënuar dy gola. Gjithsesi shpesh herë ai është ndalur nga problemet fizike.
Sipas “Tuttosport”, klubi bardhezi nuk është bindur aspak nga paraqitjet e 29-vjeçarit dhe po mendohet që futbollisti të shitet në merkaton e verës për të mbushur arkat e klubit.
Më parë Juventusi largoi Emre Can në drejtim të Dortmundit për 20 milionë euro, dhe nëse të njëjtin fat e ndjek edhe Ramsey-n, atëherë “Zonja e Vjetër” pritet të futet fuqishëm në garë për Paul Pogba-n.
