Anna Anufrieva, 27 vjeçe u shkarkua nga puna në Policinë ruse pasi departamenti zbuloi fotot e saj nudo, të pozuara për revistën “PlayBoy”.
Anufrieva, e cila jeton në qytetin Tyumen në rajonin jug-perëndimor rus të Oblastit Tyumen, vendosi të marrë pjesë në një konkurs për “Playboy” dhe përfundoi e dyta. Por, departamenti lokal i policisë ruse në të cilën punonte, e pushoi nga puna pasi u shfaqën fotografitë, vitin e kaluar.
Ajo ka treguar për mediat se për shkak të fotove e ka pasur të vështirë të gjente një punë, ndërsa së fundmi ka deklaruar se ka nisur një punë të re si menaxhere në një kompani turistike.
“Në janar fillova punën në një kompani turistike. Unë e dua punën time të re, ku punoj si krijuese dhe ndihmoj njerëzit të organizojnë pushimet e tyre të ëndrrave, është kaq frymëzuese. Nuk më pëlqeu puna ime e mëparshme, ishte aq e mërzitshme, por tani e gjeta veten”, citohet e reja nga tabloidi britanik “Daily Star”. /BN/
