Derbi i shumëpritur mes Interit dhe Milanit zhvillohet ditën e nesërme, në një “San Siro” të mbushur në kapacitetin maksimal të saj.
Duke folur për këtë ndeshje të madhe në një intervistë për “Gazetta Dello Sport”, legjenda e Milanit, Ricardo Kaka ka bërë parashikimet e tij si dhe ka folur për situatën aktuale të dy klubeve.
“Të dyja klubet kanë ndryshuar pronarë, kanë pasur edhe probleme ekonomike e menaxhuese. Unë shoh që situatat janë përmirësuar. Mbi të gjitha, unë shpresoj që pronarët e rinj të Milanit dhe Interit të investojnë ashtu siç duhet, për t’u rikthyer në krye. Momenti tani është. Interi dhe Milani janë ekipe historike. Milano është një qytet i bukur, Italia është një vend i mrekullueshëm”.
“Derbi im i preferuar është ai që luhet në Ligën e Kampioneve, është më unik. Shpresoj të shohim një përballje mes skuadrave edhe në ato nivele”.
“Gjithsesi nesër mbrëma pres një derbi, ku do të shohim Milanin e vërtetë. Një ndeshje e tillë mund të japë një nxitje të madhe për të dyja skuadrat. “San Siro” është mësuar me shfaqje të tilla të mrekullueshme. Parashikimi? Shënon Ibra, pastaj le të shpresojmë…”.
