Atalanta ka fituar 1-2 më transfertë kundër Fiorentinës. “Vjollcët” kaluan të parët në avantazh në minutën e 32-të me anë të Federico Chiesas. Sulmuesi ka shënuar një gol fantastik, teksa ka goditur fluturimthi, duke mos i lënë asnjë mundësi portierit mik.
Përmbysja për Atalantën ka ardhur në pjesën e dytë. Pas një aksioni të bukur, Papu Gomez gjeti në zonë kolumbianin, i cili me portën thuajse të boshatisur shënoi në minutën e 50-të, duke çuar shifrat në 1-1.
Për golin e fitores mendoi Ruslan Malinovsky. Ukrainasi i ardhur nga stoli shënoi një gol mjaft të bukur, pas një goditje mjaft të fortë, duke çuar shifrat në 1-2 në favor të bergamaskëve.
Një fitore shumë e rëndësishme kjo për shanset e skuadrës për të siguruar një vend për në Ligën e Kampioneve. Skuadra nga Bergamo numëron 42 pikë dhe renditen në vendin e katërt, 3 pikë më shumë se Roma e vendit të pestë.
