Mbi 26 vjet burg ka dhënë gjykata Penale e Breshias për dy vëllezërit Sallaku, të akuzuar si pjesë e një grupi trafiku droge në Italinë fqinje.
Vendimet
Siç raportojnë mediat italiane, për Saimir Sallakun u dha dënimi 17 vite e 8 muaj burgim, siç u kërkua nga akuza. Për të vëllain, Taulant, 8 vite e 8 muaj burgim. Akuza u ngritën dhe ndaj biznesmenit Gëzim Sallaku, ish-presidenti i klubit të futbollit “Darfo Calcio” për armëmbajtje pa leje, pasi në vilën e tij u gjet një armë pa leje. Megjithatë, pasi njëri nga vëllezërit mori përsipër përgjegjësinë për armën, akuzat ndaj Gëzim Sallakut ranë.
Italiani Alessandro Giorgi, u dënua me 14 vite burgim, ndërsa i biri Denis, me 10 vite heqje lirie. Dënimet e tjera për pjesëtarët e grupit italo-shqiptar varijojnë nga 8 deri në 2 vjet burg.
Në total, gjykata dha dënime për 25 persona (23 me gjykim të shkurtuar dhe 2 me marrëveshje) për akuzat e trafikut të drogës, armëmbajtjes pa leje dhe përfshirjes në grup kriminal.
Hetimet
Hetimet nisën nga Prokuroria Antimafia në vitin 2017 dhe zbuluan një trafik droge mes Bassa Valcamonica e Alto Sebino. E gjitha nisi me një arrestim në Darfo të një korrieri, i cili transportonte 50 kg marijuhanë. Një vit më vonë, gjatë një shkëmbi droge në zonën industriale Pian Camuno, u sekuestrua në një parking 1 kg kokainë. Në këtë aksion u ndalua Saimir Sallaku, i cili në trafik, sipas hetuesve, kishte rolin e ndërmjetësit, midis shitësve dhe blerësve. Para se të ndalohej, ai u takua me 3 shqiptarë të tjerë, babë e bir 69 e 44 vjeç nga Osimo Sotto (Bergamo) dhe një tjetër italiani me banim në Mailano, i cili do t’ia dorëzonte drogën një Alessandro Giorgi-t, një shofer ambulance pensionist dhe një bashkëpunëtori.
Në aksionin e karabinierëve u arrestuar personat e sipërpërmendur, u sekuestrua droga si dhe 41 mijë euro, të destinuara për blerjen e lëndës narkotike. U sekuestruan gjithashtu edhe 26 mijë euro, në posedim të 3 korrierëve shqiptarë.
Në vazhdën e kontrolleve të banesave, u gjetën në Osio, edhe 50 kg kokainë dhe 12 kg e gjysmë heroinë.
Në Piancogno, u gjetën dhe sekuestruan 10 kg marijuhanë. Në vazhdën e hetimeve rreth 30 persona u vunë në pranga.
Bilanci i sekuestrimeve u rrit me të tjera sasi hashashi e marijuhane, por edhe kakaine, morfine e MDMA, por dhe armë të gjetura në vilën në Sale Marasino në pronësi të vëllezërve Sallaku: 3 pistoleta të fshehura në një hendek në murin e garazhit.
/Boldnews/
