Juventus dhe Paulo Dybala janë duke negociuar për të zgjatur kontratën aktuale të futbollistit.
Sipas “Tuttosport”, argjentinasi është më se i gatshëm për të vazhduar karrierën në Torino ndërsa bardhezinjtë kanë pranuar gabimin që bënë kur tentuan shitjen e lojtarit verën e kaluar.
Dybala gjatë merkatos së verës ishte në bisedime me Manchester United, Tottenham dhe Paris Saint-Germain por ishte vetë dëshira e tij për të qëndruar në Torino për të luftuar për vendin e tij.
Gjithashtu “Tuttosport” raporton se Dybala, do të nënshkruajë deri në vitin 2025 ku futbollisti do të përfitojë 10 milionë euro në vit.
Këtë sezon 26-vjeçari, ka qenë lojtar kyç i skuadrës duke shënuar 11 gola dhe duke dhënë 11 asiste.
