Një i ri shqiptar ka ndërruar jetë në një spital në Itali, pas një aksidenti të ndodhur mbrëmjen e 31 Janarit. Siç raportojnë mediat italiane, Tomas Hoti u shua në repartin e reanimacionit të spitalit “Cardarelli” në Napoli.
19-vjeçari me banim në Macchiagodena, humbi jetën ditën e djeshme pas 6 ditësh në spital. Raportohet se ai kishte marrë dëmtime në pjesën e trupit dhe kokës.
Tomas, i lindur në Shkodër, u transferua me familjen e tij në Itali disa vjet më parë, jetoi me prindërit e tij në Macchiagodena, kishte dy vëllezër dhe punonte në një ofiçinë.
Për pesë ditë, do të festonte ditëlindjen e tij të 20-të.
I riu ishte nën drejtimin e një makine tip “Fiat Punto” që është përplasur me një furgon “Ducato” që drejtohej nga një 40-vjeçar italian.
Një hetim ka nisur për zbardhjen e shkaqeve të aksidentit.
/BoldNews/
