Ambasadori i BE-së Luigi Soreca ka folur për OFL-në, Operacionin Forca e Ligjit. Ai ka deklaruar se BE po monitoron punën e OFL-së. Teksa është pyetur nga një gazetare se “A do të ketë ndërhyrje në pronat e politikanëve?”, ai theksoi se pyetja iu drejtua a thua se ai është në krye të Operacionit Forca e Ligjit.
Biseda:
Gazetarja: A do të ketë ndërhyrje në pronat e politikanëve shqiptarë? Dhe pyetja e dytë, PD ka ngritur shumë denoncime, si Ermal Hoxha apo edhe të tjerë që ka mbarurar një hetim kundër tyre. A do të ketë një rihetim nga OFL-ja?
Soreca: Ju më pyetët sikur unë jam një prokuror, apo sikur jam në krye të Operacionit Forca e Ligjit. Ajo që mund të them është një gjë që tashmë e kam thënë disa herë që ky ligj i posaçëm aplikon atë parim, i cili është ka funksionuar në mënyrë efikase. që është parimi i ndjekes së parasë. Ndërsa ligji është i qartë në lidhje me subjeketet e tij, për ata që janë dënuar, apo ata që janë nën hetim për krim të organizuar. Për ne si BE ajo që është e rëndësishme është mënyra sesi do të zbatohet kjo. Ne po monitorojmë nga afër zbatimin e këtij ligji.
