Operacioni Forca e Ligjit ose ndryshe paketa anti-KÇK, janë trumbetuar me të madhe nga kryeministri Edi Rama si luftë kundër krimit të organizuar dhe kriminelëve.
Por për gazetarin Artan Hoxha lufta nuk është serioze, ndërsa publikon LIVE në emisionin ‘Opinion’ edhe foto të kryeministrit Edi Rama me anëtarë të botës së krimit.
Në foton e parë është kryeministri Edi Rama dhe Ardjan Çapja (person të cilit i është kërkuar nga OFL që të bëjë deklarimin e pasurisë), për të cilin gazetari Hoxha thekson se akuzohet për një sërë vrasjesh.
Ndërsa në foton e dytë gazetari Hoxha thekson se ajo është bërë në Nju Jork, dhe sërish personi në krah të Ramës vjen nga bota e errët e krimit.
Në këtë foto është Ardjan Çapja. Akuzohet për një sërë vrasjesh nga viti 2009-2016. Zëdhënësja e OFLS e ka thënë qartë se ky person është objekt i ligjit. Foto është bërë në resortin e personit të akuzuar. Ndërsa në foton tjetër kemi një tjetër person që vjen nga bota e krimit. Foto është bërë në Nju Jork’, deklaroi Hoxha.
