Gjykata e Vlorës ka lënë në burg shtetasin Bardhosh Mino Lytaj i prangosur dy ditë më parë, pasi ishte shpallur në kërkim nga shtatori i vitit 2019 nga autoritetet greke.
Ky shtetas rezultonte i dënuar me burgim të përjetshëm në Greqi për vrasjen e dy turistëve anglezë në shtetin fqinj.
Seanca gjyqësore është drejtuar nga gjyqtare Herila Çela, ndërsa prokuror i çëshjes është Saimir Smaka.
Mësohet se në gjyq, i arrestuari është shprehur i revoltuar dhe me shenja nervozizmi: “Kam kryer burg në Greqi. Nuk e dija që isha në kërkim. Jam martuar, madje edhe me fëmijë”.
Në vitin 1999 në territorin grek, Mino u akuzua se grabiti dhe dhunoi dhe vrau dy turiste anglez në afërsi të Patrës. Për këtë ngjarje Gjykata e Shkallës së Parë në Patra e shpalli fajtor dhe e dënoi atë me burgim të perjetshëm. Mbi Minon rëndon edhe akuza e trafikut të lëndeve narkotike, prodhim dhe shitja e lendeve narkotike për të cilën Gjykata e Kretës e ka dënuar me 6 vite burg. Ndaj tij rëndon edhe akuza e vjedhjes së energjise elektrike. Për këtë akuzë u dënua me 5 muaj burg nga gjykata e Korfuzit.
Në dosjen e siguruar nga prokuroria, rezulton se Mino ka edhe nje arratisje nga një burg i Greqisë në kohën kur vuante dëninin për vrasjen e turistëve.
