“Forcuam angazhimin e përbashkët për mbrojtjen dhe avancimin e lirisë së besimit, si një e drejtë themelore e njeriut” Kështu deklaronon Presidenti i Republikës Ilir Meta pas takimit me sekretarin amerikan të Shtetit, Michael Pompeo.
Kreu i shtetit ka marrë pjesë në darkën e organizuar nga Departamenti Amerikan i Shtetit me Aleancën Ndërkombëtare për Mbrojtjen e Lirive Fetare.
Nëpërmjet një postimi në rrjetet sociale, Meta deklaron se i konfirmoi Pompeo-s se Shqipëria do vazhdojë të jetë shembull i harmonisë ndërfetare dhe një mbështetëse aktive e Aleancës.
Reagimi i Metës:
I nderuar të merrja pjesë në darkën zyrtare të organizuar në Departamentin e Shtetit, nga Sekretari Amerikan i Shtetit, Michael Pompeo, me Aleancën Ndërkombëtare për Mbrojtjen e Lirive Fetare.
Unë konfirmova në fjalën time seShqipëria do vazhdojë të jetë shembull i harmonisë ndërfetare dhe një mbështetëse aktive e Aleancës.
Së bashku me SHBA dhe partnerët tanë, përmes Deklaratës së Parimeve, forcuam angazhimin e përbashkët për mbrojtjen dhe avancimin e lirisë së besimit, si një e drejtë themelore e njeriut dhe për të kundërshtuar çdo forme dhune e shkelje të saj, kudo që të shfaqet.
