Ambasadori i BE-së në Tiranë, Luigi Soreca ka komentuar aksionet e ndërmarra nga OFL pas aktit normativ të nxjerrë nga qeveria i ashtuquajtur “Anti-KÇK”. Nga Vlora, ku ndodhet në kuadër të një aktiviteti, Soreca tha se është shumë e rëndësishme që kjo strukturë të ndjekë parimet që kanë të bëjnë me sundimin e ligjit, por dhe me sundimin e të drejtave të njeriut, si dhe shumë e rëndësishme që të ndiqet nga SPAK.
“Përsa i përket operacionit ‘Forca e Ligjit’ ne kemi bërë dhe më parë një deklaratë, dhe ne besojmë se logua ‘ndiq paranë’ është mënyra më e mirë për tu adresuar drejt këtyre personave, dhe tregon vullnetin politik për ta trajtuar këtë problem. Megjithatë mënyra sesi do zbatohet ky ligj është shumë e rëndësishme dhe ne po e ndjekim nga afër aplikimin e këtij ligji. Është shumë e rëndësishme që kjo strukturë e re të ndjekë natyrisht parimet që kanë të bëjnë me sundimin e ligjit, por dhe me sundimin e të drejtave të njeriut, si dhe shume e rëndësishme që kjo platforme të ndiqet nga SPAK”, tha Soreca për gazetarët.
“Jam në kontakt te përgjithshëm me ministrin e Brendshëm dhe javën që vjen do takohem me drejtuesit e SPAK”, shtoi ai.
