Pas afro tre muajsh, qeveria ka treguar shifrën zyrtare të dëmeve të shkaktuar nga tërmeti tragjik i 26 nëntori.
Ministri i Bujqësisë dhe njëkohësisht koordinatori për menaxhimin e krizës së tërmetit, Bledi Çuçi ka deklaruar se fatura zyrtare shkon në 985 milionë euro. Një shifër e përafërt me atë të hamendësuar nga kryeministrit Rama, 1 miliardë.
“Nga tërmeti tragjik i 26 nëntorit u prekën 202291 persona nga 11 bashki të vendit. Një kontribut i madh erdhi nga miqtë ndërkombëtarë. Vetëm një javë pas tërmetit qeveria kërkoi mbështetjen e BE-së, OKB-së dhe BB për një proces për të identifikuar dëmet dhe nevojat. 60 ekspertë të huaj dhe vendas dhe zyrtarë shqiptarë e përfunduan raportin në 30 janar. Është punuar me ritëm të lartë. 50 mijë ndërtesa verifkuan dhe u verifikuan 100% ndërtesat me rrezikshmëri të lartë. U zhvilluan edhe katër anketa për nevojat socio-ekonomike. Vlera e dëmeve është 985 milionë e 796 euro.Ky dokument s’është shterues por do shërbejë si udhërrëfyes për programin e rindërtimit”, tha ministri.
