Prej paradites së djeshme, rrjeti u “tërbua” nga bjondja misterioze, zëdhënësja e Operacionit Forca e Ligjit e cila jep deklaratat për shtyp.
Duke iu bërë përshtypje format e saj fizike si dhe mbajtja e syzeve të errëta, çdokush u bë kurioz për të zbuluar identitetin e saj.
Sot, mediat kanë publikuar emrin dhe fotot e saj. Ajo është Eljes Breca, e diplomuar për psikologji dhe ka prej disa muajsh që ishte pjesë e PR të OFL-së.
“Çudia më e madhe tre ditë zgjat” – thotë populli dhe si për ironi të fatit tre ditë ka që ka nisur aksioni i OFL-së.
Sipas mazhorancës, mbajtja e syzeve të errëta ishte për shkaqe sigurie dhe pyetja që shtrohet tani është: A do i mbajë më syzet bjondja e OFL-së?
