Zlatan Ibrahimovic nuk ishte prezent në fushën e lojës në ndeshjen që Milani luajti ndaj Veronës. Sulmuesi vuante nga një gjendje gripale dhe për këtë arsye iu desh të qëndronte pushim.
Mirëpo kjo situatë duket se vazhdon përsëri. Sipas burimeve pranë klubit kuqezi futbollisit 38 vjeçar ka ende simptomat e gripit, por edhe probleme në pulpë, që e kanë detyruar të mos i bashkohet grupit.
Prania e Ibras në derbi nuk është në rrezik, por stafi mjekësor po e monitoron me shumë kujdes gjendjen e tij. Për momentin, nuk ka siguri se do të jetë 100% i gatshëm për përballjen me rivalët ndërqytetas, por përshtypja është që Pioli do ta ketë nën urdhrat e tij.
